რუსეთის ნაკრების ქართველმა მორაგბეებმა ბორჯღალოსნებთან თამაშზე უარი თქვეს

04 თებერვალი 2021

7 თებერვალს, რაგბი ევროპის ჩემპიონატის მატჩში საქართველოს მორაგბეთა ნაკრები თბილისში რუსეთს უმასპინძლებს.

“დათვების” მთავარმა მწვრთნელმა აღნიშნული შეხვედრის 28 კაციანი განაცხადი დაასახელა, სადაც არ არის არც ერთი ქართველი მორაგბე.

შეგახსენებთ, რომ რუსეთის ნაკრებში საქართველოსთან თამაშისთვის 3 მოთამაშე: ნიკოლოზ კაზალიკაშვილი, შაკო ოდიშარია და გიორგი როყვა გამოიძახეს, თუმცა, როგორც ცნობილი ხდება, სამივე მათგანმა “ბორჯღალოსნების” წინააღმდეგ თამაშზე უარი განაცხადეს.

რუსების განაცხადი საქართველოს ნაკრებთან მატჩისთვის:

როგორც იცით, საქართველო-რუსეთის დაპირისპირება ჯერ კიდევ გასული წლის მარტში უნდა გამართულიყო, თუმცა კორონავირუსის პანდემიის გამო შეხვედრა გადაიდო. სტუმრები უკვე თბილისში იმყოფებოდნენ, რა დროსაც ეს ინფორმაცია გაიგეს. თამაში შემდეგ ნოემბერში ჩაინიშნა, თუმცა რაგბი ევროპის ორგანიზაციამ შეხვედრა ისევ არ ჩაატარა.

ავტორი: ციცი პაპუნაშვილი

კომენტარები