ბარსელონამ სპონსორებისაგან ისტორიაში ყველაზე დიდი შეთავაზება მიიღო

26 იანვარი 2022

Sport-ის ინფორმაციით, "ბარსელონას" მომავალ სეზონში 2 ახალი სპონსორი ეყოლება. წყაროს ცნობით, შეთანხმება თითქმის მიღწეულია - მოსაგვარებელი მხოლოდ რამდენიმე დეტალი დარჩა.

როგორც ფერან კორეასი იტყობინება, ეს სპონსორები Spotify და Polkadot არიან. "ლურჯ-ბროწეულისფერები" ორივე მათგანთან თანამშრომლობისთვის ემზადებიან.

სოციალურ ქსელებში გავრცელებულ ფოტოზე ჩანს, რომ Spotify-ის სახელი და ლოგო მაისურის წინა მხარესაა დატანილი, Polkadot-ის გერბი კი სახელოზე იქნება გამოსახული (Spotify, Rakuten-ის ნაცვლად და Polkadot, Beko-ს ნაცვლად)

გავრცელებული ცნობების თანახმად, "ბლაუგრანა" ამის მეშვეობით, წლიურად, 80 მილიონი ევროს გამომუშავებას აპირებს, რაც კლუბის ისტორიაში ყველაზე დიდი თანხა იქნება.

ავტორი: ციცი პაპუნაშვილი

მსგავსი სიახლეები

კომენტარები